أميرة أديب تكشف سبب لجوئها لشراء الملابس المستعملة

كشفت الفنانة أميرة أديب ابنة المخرج عادل أديب شقيق الإعلامي عمرو أديب، عن أسباب لجوئها شراء الملابس المستعملة، رغم امتلاكها سابقا علامة تجارية للملابس.

وقالت أميرة أديب: سبب إنى بقيت أشترى لبس مستعمل هو نفس السبب اللى خلانى أبطل أشتغل فى البراند بتاعى، أول سبب إنى روحت إيفنت عن البيئة، وعرفت فيه إن عندنا لبس يكفى 10 أجيال، ودى حاجة بتأثر على البيئة جدا، وحسيت إنى حاطة إيدى فى حاجة بتساهم فى تبويظ البيئة.

وتابعت: تاني سبب إن الممثلين هم اللي بيجيبوا لبس شخصياتهم من أجرهم، فلو باخد 10 جنيه هجيب منها لبسى، واللبس المستعمل بيكون أرخص وفريد أكتر، لأن مفيش من القطعة اتنين.

واستكملت: تالت سبب إني بتكيف لما بدخل مكان فيه لبس ملوش أي علاقة ببعضه، وأطلع بكام قطعة مكيفاني، بحسها زي اللعبة.

وأضافت: مش عيب إنى اشتري ملابس مستعملة، أنا غنية مش غبية، رابع سبب إني مش بجري ورا البراندات الكبيرة، أنا بجري ورا قيمي، ومعظم البراندات الكبيرة بيكون وراها سياسات مش من قيمي.